أزواجي السبعة دي قصة كل بنت بتعيشها كل يوم مع واحد بتتوسم فيه انه انه يكون زوج الأحلام ... لكن الديك يأذن وشهرزاد تسكت عن الكلام المباح وتفوق من الحلم الي كانت عايشه فيه ...ويختفي فارس الأحلام
المدونة دي مش هجوم علي جنس الرجالة ولا هي مواساه لجنس البنات احنا هنتكلم عن تجاربنا و هنترك الحكم للجمهور خاصة ان عندي فكره كده بتقول مش دايما البنت مجني عليها و مش دايما الولد مظلوم ... كل منهما ليه وعليه
المدونة هي حكاية أزواجي السبعة الي كنت بنت بتقابلهم، الي بيتسلي والي مش عاجبة حاجه والي خايف يرتبط والكذاب والي كل همه الجنس والي مش عايز يشيل مسئولية ... هنتكلم عن كل دول مش هنسيب حد في حالة
المدونة ممكن يكون فيها كلام جريء و ميعجبش ناس كتير بس اعتقد ان الاوان اننا نتكلم بصراحة خلي الناس تفوق و يمكن المدونة دي تكون سبب في ان البنات تتعلم من خبرات غيرها واكيد مش هتقع في نفس الأخطاء ...
اهلا وسهلا بأي حد عايز ينشر تجربته علشان غيره يتعلم منها في أزواجي ال 7 ابعتولنا حكاياتكم طبعا بدون اسماء واحنا هننشرها في المدونة هنا علشان نتعلم منها كلنا ولا نكرر اخطائنا .